Este domingo ás 11.00h da mañán (¡lembrade que este sábado se cambia a hora!) farase unha visita de campo para recoñecer posibles ubicacións para a iniciativa de hortas urbanas no barrio.
A convocatoria é aberta así que vinde aprovisionados de cámara de fotos, auga e boa enerxía para aproveitar unha previsible agradable mañán de outono [previsión meteogalicia]
O lugar de onde partirá a expedición será o Centro Cívico de Eirís.
¡¡¡Non esperamos moito así que sede putuais!!!
Por se aínda non vos habiades enterado, este domingo teremos a festa da familia no parque de Eirís.
Aquí vos deixamos o programa de actividades. Non faltedes!
Xa están o barrio cheo de carteis do evento da Festa da Fresa, que se encadra dende hai uns anos dentro do programa das Festas de María Pita. O martes día 21 de agosto é o día elexido para a festividade local e o parque de Eirís é o lugar. O calendario de actividades é o seguinte:
- 17.00h Festa infantil
- 17.00h Partido de fútbol do Eirís Infantil (no campo de fútbol)
- 20.00h Partido sorpresa ¿?
- 21.30h Trío Sesión
- 23.00h Noite de festa con COMBO DOMINICANO
O barrio de Eirís, que no seu tempo pertenceu ó concello de Oza, cumple estos meses 100 anos como un barrio máis do concello da Coruña. O anexionamiento do Concello de Oza á Coruña foi un feito moi importante na historia da cidade e así o reflexa o estudo feito por un grupo de traballo da Universidade Senior da UDC* na que narran o proceso, os persoeiros implicados e moita outra información que o convirte nun documento histórico de referencia para a cidade que podedes consultar e descargar de forma libre. Para celebrar tal efeméride están previstos unha serie de actos que circularán polo Castrillón, Oza e Eirís coa seguinte programación.
Esta semana inaugurouse unha nova aula de informática no centro cívico de Eirís. Esta aula está integrada na Rede CeMIT da Xunta de Galicia, unha iniciativa que xurdiu no ano 2007 denominada Rede de Dinamización da Sociedade da Información, como parte fundamental da aposta pola alfabetización dixital por parte do anterior goberno bipartito e que se segue a manter, por parte do goberno actual, coa nova denominación de Rede CeMIT.
Esta nova aula está dotada de 18 equipos informáticos e dispón dun equipo profesional de videoconferencia. De momento non sabemos aínda cando entrará en funcionamento, nin o plan formativo que se vai a ofrecer. Estaremos atentos para dar máis información a través deste blogue.
Mentres tanto, aquelas persoas interesadas poden consultar a páxina da propia rede, na que se poden inscribir como usuarios ou usuarias, ademáis de consultar os cursos dispoñíbles e en cales centros se imparten.
Como recordatorio, aqueles que estedes interesados no curso lembrade que a presentación será este venres ás 21.00h no local da Asociación de Veciños de Eirís (no edificio do Centro Cívico)
O programa do curso é o seguinte:
- Iniciación ó mundo da fotografía dixital
- Coñece a túa cámara
- Aprende os fundamentos básicos da fotografía
- Curso de 30 horas teórico-práctico con saídas a campo
- Equipo profesional á túa disposición
- Iniciación ó Photoshop
– O prezo será de 100€ para o curso de 30 horas (3,3€/hora)
– Para que o curso se faga haberá que xuntar un mínimo de 10 alumnos
CUAC FM é a emisora de radio comunitaria que ven amenizando as ondas da frecuencia modulada na Coruña dende 1996. Como radio comunitaria, destacan na programación os contidos sociais, dando voz a numerosos colectivos e agrupacións locais.
Entre a súa xa extensa e variada lista de programas atópase Ar de Coruña, programa que, ademáis de facilitar novas de actualidade, sociedade e cultura da cidade, conta cunha sección que reflexa en voz a historia e o presente dos barrios que tecen o puzzle da Coruña. No mes de marzo, a súa máquina de radiografías pasou polo barrio de Eirís.
Dende hai un tempo tiñamos ganas de publicar algo sobre o servizo de aluguer de bicicletas do que, dende hai uns anos veñen desfrutando os cidadáns do Concello da Coruña. O programa, que parte da iniciativa do INEGA, IDAE e o propio concello da Coruña está enfocado a facilitar os desprazamentos baixo criterios de aforro enerxético e dunha forma sustentable. Bicicoruña comezou tímidamente un mes de xullo do 2009 e ano tras ano obtivo cada vez mellores datos de uso. Por 30€ anuais calquera usuario da tarxeta millenium pode dispoñer deste servizo todo o ano coas seguintes condicións.
Neste tempo o número de estacións tamén aumentou considerablemente ate as 19 coas que conta o servizo na actualidade, cubrindo así boa parte do casco urbán pero ¿podemos dende o noso barrio acceder de forma cómoda ó servizo?
Hai xa ano e medio que a Delegación da Coruña do COAG publicou o libro ‘A cidade dos barrios‘, traballo coordinado polo estudio mmasa que da unha moi interesante visión das barriadas da nosa cidade dende un punto de vista multidisciplinar. O estudo vencella de forma sinxela as características físicas e sociais dos barrios, reflexa como se tecen os lazos de relacións entre eles e a percepción que teñen os veciños dos seus lugares de residencia e dos lugares onde desenvolven a súa actividade diaria entre outros. Hai exemplares en varias bibliotecas municipais (na pestana de exemplares tedes a súa ubicación). Recomendamos a súa lectura sen dúbida.
Obviamente a nós o que nos interesa é a información que atañe ó barrio de Eirís, que o estudio denomina Eirís-A Madosa* e que inclúe enquisas á xente do barrio que amosan cousas curiosas canto menos.
¿Qué cousas curiosas podemos extraer das enquisas?
Será por hortas. A pesar da perda irreparable das hectáreas de terra en Eirís de Abaixo por mor das obras do Ofimático, estase cocendo a lume lento unha iniciativa totalmente aberta e embrionaria de Hortas Urbanas no barrio. Na cidade xa existen varios exemplos. O máis consolidado é a iniciativa de Hortas Feáns que deu os séus primeiros pasos no 2009 no val de Feáns e que ten na actualidade máis de 30 parcelas en uso.
Hai uns días naceu outra iniciativa na zona da Agra do Orzán, que está a dar os seus primeiros pasos.
A nivel galego, existe a Asociación Galega de Hortícultura Urbana, que pretende actuar de núcleo de encontro para facilitar experiencias e coñecementos deste tipo de iniciativas.
En definitiva, ¿anímaste? envíanos un correo electrónico a info@ocampodafresa.org mostrándonos a túa interese
+INFO