O próximo 20 de agosto o barrio terá no Parque de Eirís o seu epicentro festivo. Dentro das actividades destacan unha exposición e concurso de produtores de fresas de Galicia contanto con produtores en formato ecolóxico entre outros.
Ademáis do torneo de fútbol, contaremos tamén con dúas actuacións en vivo, as dos folkies Samarúas e as da afamada orquestra Armonía Show.
CUAC FM é a emisora de radio comunitaria que ven amenizando as ondas da frecuencia modulada na Coruña dende 1996. Como radio comunitaria, destacan na programación os contidos sociais, dando voz a numerosos colectivos e agrupacións locais.
Entre a súa xa extensa e variada lista de programas atópase Ar de Coruña, programa que, ademáis de facilitar novas de actualidade, sociedade e cultura da cidade, conta cunha sección que reflexa en voz a historia e o presente dos barrios que tecen o puzzle da Coruña. No mes de marzo, a súa máquina de radiografías pasou polo barrio de Eirís.
Hai xa ano e medio que a Delegación da Coruña do COAG publicou o libro ‘A cidade dos barrios‘, traballo coordinado polo estudio mmasa que da unha moi interesante visión das barriadas da nosa cidade dende un punto de vista multidisciplinar. O estudo vencella de forma sinxela as características físicas e sociais dos barrios, reflexa como se tecen os lazos de relacións entre eles e a percepción que teñen os veciños dos seus lugares de residencia e dos lugares onde desenvolven a súa actividade diaria entre outros. Hai exemplares en varias bibliotecas municipais (na pestana de exemplares tedes a súa ubicación). Recomendamos a súa lectura sen dúbida.
Obviamente a nós o que nos interesa é a información que atañe ó barrio de Eirís, que o estudio denomina Eirís-A Madosa* e que inclúe enquisas á xente do barrio que amosan cousas curiosas canto menos.
¿Qué cousas curiosas podemos extraer das enquisas?
Será por hortas. A pesar da perda irreparable das hectáreas de terra en Eirís de Abaixo por mor das obras do Ofimático, estase cocendo a lume lento unha iniciativa totalmente aberta e embrionaria de Hortas Urbanas no barrio. Na cidade xa existen varios exemplos. O máis consolidado é a iniciativa de Hortas Feáns que deu os séus primeiros pasos no 2009 no val de Feáns e que ten na actualidade máis de 30 parcelas en uso.
Hai uns días naceu outra iniciativa na zona da Agra do Orzán, que está a dar os seus primeiros pasos.
A nivel galego, existe a Asociación Galega de Hortícultura Urbana, que pretende actuar de núcleo de encontro para facilitar experiencias e coñecementos deste tipo de iniciativas.
En definitiva, ¿anímaste? envíanos un correo electrónico a info@ocampodafresa.org mostrándonos a túa interese
+INFO
Presentación o venres 13 de Xullo ás 21.00h no local da Asociación de Veciños de Eirís (no edificio do Centro Cívico)
O programa do curso é o seguinte:
- Iniciación ó mundo da fotografía dixital
- Coñece a túa cámara
- Aprende os fundamentos básicos da fotografía
- Curso de 30 horas teórico-práctico con saídas a campo
- Equipo profesional á túa disposición
- Iniciación ó Photoshop
A través de twitter chégannos estas imaxes de Martín Vidal, onde se pode ver o caos que se xera nas horas de entrada e saída nos arredores do Colexio Internacional de Eirís.
Segundo nos contan é unha prática habitual que os pais e nais que van deixar ou recoller aos seus fillos e fillas, aparquen en calquera sitio e de calquera forma, creando así problemas no tráfico, nunha estrada bastante concorrida. Por non falar dos problemas para os peóns que se atopan con que as estreitas beirarrúas que hai nesta zona están ocupadas por coches.
Dende O Campo da Fresa queremos pedir a todos estes pais e nais que teñan un pouco máis de conciencia cívica, e que tamén dende o concello se busquen alternativas para solucionar estas situacións, que se repiten nas inmediacións de moitos colexios da cidade.
Os Barrios non son seres inertes de ladrillo e cemento, senón que son entidades «vivas» que mudan co tempo.
O noso barrio foi cambiando ao longo do tempo, e aínda hoxe o segue a facer. Moitos detalles son xa cousa do pasado e moitos están todavía por vir. Por iso queremos engadir unha sección de fotos no blogue. Para retratar ese pasar do tempo, con fotografías do hoxe, do onte e do que aínda está por chegar.
Cousas curiosas da vida, cando comezaba a escribir este post e busquei a data de inauguración do Centro Cívico caín na conta de que precisamente hoxe hai dous anos (31-05-2010) o barrio recibía cos brazos abertos o novo edificio do Centro Cívico que acollía tamén a sede da Asociación de Veciños Uxío Carré.
Outro día falaremos máis a miudo das actividades deste centro (que dependen directamente do CC do Castrillón) e da repercusión que estas teñen no barrio, das actividades que dentro del se desenvolven e da boa conta que dan delas maioritariamente os nenos e os maiores do barrio.
O caso é que hoxe deron comezo unhas obras de reforma da primeira planta e que dotarán ó centro cunha nova aula de ordenadores e cunha nova oficina adicada en exclusiva ó Centro de Saúde Mental Infantil do Concello da Coruña que desta forma terá a súa sede operativa no barrio.
Pódese dicir sen medo a quedar mal que Eirís e os barrios aledaños tenen unha rica historia. A súa próximidade á cidade da Coruña e do seu porto levou recurtes de historia a lugares como o veciño lugar de Elviña, onte fronteira difusa do actual barrio e hoxe afastado bruscamente polo navallazo da Avenida de Lavedra. No antonte fértil val chegaron a baterse nos albores do século XIX tropas inglesas ante as tropas napoleónicas na Batalla de Elviña.
